Աստանայում ընթացող Եվրասիական տնտեսական միության (ԵՏՄ) գագաթնաժողովի շրջանակներում Ռուսաստանի նախագահ Վլադիմիր Պուտինի և Հայաստանի փոխվարչապետ Մհեր Գրիգորյանի միջև առանձին հանդիպում նախատեսված չէ։ Այս մասին լրագրողներին հայտնել է Ռուսաստանի նախագահի մամուլի քարտուղար Դմիտրի Պեսկովը։
«Առանձին հանդիպում նախատեսված չէ, սակայն եթե երկու կողմերն այդպես որոշեն, նրանք կարող են շփվել գագաթնաժողովի շրջանակներում»,- ասել է Պեսկովը։
Նա նաև նշել է, որ ԵԱՏՄ գագաթնաժողովի նեղ կազմով հանդիպման ընթացքում զգայուն թեմաները, այդ թվում՝ Հայաստանի իրավիճակը, քննարկվելու են։
Պեսկովը հավելել է, որ Պուտինն ու Բելառուսի նախագահ Ալեքսանդր Լուկաշենկոն Աստանայում կարճ զրույցներ են ունեցել հայկական հարցի շուրջ։ «Նրանք մի քանի անգամ հանդիպել են «լուսանցքներում»։ Հայաստանի վերաբերյալ կարճ մտքերի փոխանակում եղել է, սակայն առարկայական խոսակցություն չի տեղի ունեցել, քանի որ ժամանակը սահմանափակ էր։ Բայց ոչ պաշտոնական ճաշի ընթացքում նրանք հնարավորություն են ունեցել բոլորով միասին շատ լավ խոսել»,- ավելացրել է Պեսկովը։
