Արևելյան մշակույթի և տնտեսական համագործակցության հարցերով զբաղվող ԱՊՀ-ի գլխավոր քարտուղար Սերգեյ Լեբեդևը հայտնել է, որ Հայաստանի կողմից Եվրոպական միությանն (ԵՄ) և Եվրասիական տնտեսական միությանը (ԵԱՏՄ) անդամակցելու հարցում ցուցաբերվող մտադրությունները բարյացակամորեն են ընդունվում։
Իմ կարծիքով՝ այս հարցը քննարկվելու է բարյացակամորեն։ Սակայն պետք է հասկանալ, որ այն դրված է սկզբունքորեն՝ ընտրության հարց է։ ԵՄ-ն ունի շատ երկար պատմություն, և շատ երկրներ ցանկանում են դառնալ դրա անդամ։ ԵՄ ընդունվելու գործընթացը կարող է տարիներ տևել։ Իսկ ԵԱՏՄ-ն իրականություն է, որից հիմա չես կարող երես թեքել։ Այստեղ շատ բան է կախված։ Հայաստանում նույնպես գիտակցում են Եվրասիական տնտեսական միության նշանակությունը։ Ուստի հիմա ԵԱՏՄ-ի հետ կապերը խզել, ինչպես արդեն հայտարարել է Հայաստանի վարչապետ Նիկոլ Փաշինյանը, թե՛ նա, թե՛ շատ այլ գործիչներ, ոչ ոք չի պատրաստվում։ Այդ պատճառով համագործակցությունը կշարունակվի։ Իսկ ինչ վերաբերում է ԵՄ-ին, այդտեղ արդեն կտեսնենք։
Նրա խոսքով՝ Աստանայում կայացած Բարձրագույն եվրասիական տնտեսական խորհրդի նիստին, որտեղ Հայաստանը ներկայացրել է փոխվարչապետ Մհեր Գրիգորյանը՝ վարչապետ Նիկոլ Փաշինյանի փոխարեն, քննարկումներ են ընթանում։
Այնտեղ ներկա է փոխվարչապետ Մհեր Գրիգորյանը, ով ունի փաստաթղթեր ստորագրելու լիազորություններ, ուստի, սկզբունքորեն, որքանով ես գիտեմ, քննարկումներ են ընթանում։ Իհարկե, այնտեղ շոշափվում են ԵԱՏՄ-ի ու ԵՄ-ի թեմաները, բայց դա արդեն հայտնի կլինի հիմա՝ նեղ կազմով նիստի արդյունքներով։
ԱՊՀ գլխավոր քարտուղարը նաև հավելել է, որ Նիկոլ Փաշինյանը չի մասնակցել Աստանայի միջոցառումներին՝ երկրում սպասվող նախընտրական արշավի պատճառով։
Հիշեցնենք, որ Հայաստանի կառավարությունը 2025 թվականի հունվարի 9-ին հավանություն էր տվել «Եվրաքվե» քաղաքացիական նախաձեռնության առաջարկած՝ Եվրոպական միությանն անդամակցելու գործընթաց սկսելու մասին օրենքի նախագծին։ Այն վերջնականապես ընդունվել էր խորհրդարանի կողմից մարտի 26-ին և ստորագրվել՝ ապրիլի 4-ին։
