Ռուսաստանի արտաքին գործերի նախարար Սերգեյ Լավրովը «Վեստի» տեղեկատվական համակարգին տված հարցազրույցում անդրադարձել է Հայաստանի վարչապետ Նիկոլ Փաշինյանի Գառնի համայնքում արած հայտարարությանը։
Հիշեցնենք, որ վարչապետը նշել էր, որ Հայաստանը չի վախեցնում Ռուսաստանի հետ կապերի վատթարացման դեպքում հումքի բարձր գները, քանի որ երկիրը ծրագրում է «հարստանալ»։
Սերգեյ Լավրովը նշել է, որ չի կարող մեկնաբանել Հայաստանի ղեկավարի այդ հայտարարությունը։ «Եթե նա կարծում է, որ այն հարստանալու է, թող ապահովի»,- ասել է նախարարը։
Այս հարցազրույցը տեղի է ունեցել այն պայմաններում, երբ ՌԴ ԱԳՆ պաշտոնական ներկայացուցիչ Մարիա Զախարովան արդեն հայտնել էր, որ Ռուսաստանը զգուշացրել է Հայաստանին գազի, նավթամթերքի և ալմաստի մատակարարման համաձայնագրի հնարավոր չեղարկման մասին, եթե Երևանն անդամակցի Եվրոպական միությանը։ Հայաստանի արտաքին գործերի նախարարությունը հաստատել է այդ նամակի ստացումը։
